Крводарителска акција во „Дрекслмајер“ Куманово

На ден 26.03.2026 година, во периодот од 09:00 до 14:00 часот,

Црвен крст на Република Северна Македонија – Општинска организација Куманово , во соработка со Институтот за трансфузиона медицина , реализираше крводарителска акција во компанијата „Дрекслмајер“.

За првпат се организираше крводарителска акција во оваа компанија, што претставува значаен чекор во проширување на хуманите активности .

Благодарение на хуманоста на вработените, беа реализирани 17 крводарувања .

На настанот присуствуваа Градоначалникот на Општина Куманово, Максим Димитриевски, како и директорот на компанијата, со што дополнително се нагласи значењето на оваа хуманитарна акција и соработката помеѓу институциите и бизнис секторот .

Од страна на Црвен крст Куманово беше доделена благодарница за успешната и континуирана соработка, како и за значајниот придонес на компанијата во текот на 2025 година.

Во рамки на оваа соработка, компанијата даде поддршка преку донација на прехранбени пакети и новогодишни пакетчиња , кои беа дистрибуирани до социјално загрозени семејства, со што директно придонесе за подобрување на условите за живот на ранливите категории граѓани .

Голема благодарност до сите крводарители и до „Дрекслмајер“ за довербата и поддршката.

Дарувај крв – спаси живот!