ОДБЕЛЕЖУВАЊЕ НА НЕДЕЛАТА НА БОРБА ПРОТИВ СРЦЕВО-САДОВИ ЗАБОЛУВАЊА

Црвен крст на Република Северна Македонија – Општинска организација Куманово ја одбележува Неделата на борба против срцево-садови заболувања, која се реализира во периодот од 21 до 28 февруари 2026 година под мотото „Здрав живот, здраво срце“.

На 23 февруари 2026 година волонтерите од Клубот на млади спроведоа теренска едукативна активност при што ги посетија вработените во Општина Куманово, Основниот суд во Куманово, како и случајните минувачи.

Во рамки на активноста беа поделени едукативни флаери со корисни совети за превенција, рано препознавање на ризик-факторите и унапредување на здравите животни навики со цел заштита на срцевото здравје.

Со ваквите активности Црвениот крст продолжува активно да придонесува во подигање на јавната свест за значењето на превенцијата и зачувувањето на здравјето, поттикнувајќи одговорен однос кон сопственото срцево здравје.

Здраво срце – здрав живот!