Превентивни активности за заштита од топлотен бран

Црвениот крст на Република Северна Македонија – Општинска организација Куманово, во периодот од 11 до 12 август 2025 година реализираше активности за превенција од топлотен бран. Поради високите температури, волонтерите поделија 140 мали шишиња со вода. На 105 лица им беше измерен крвниот притисок, а исто така добија совети и препораки за заштита од топлотниот бран.

Активностите за заштита од топлотен бран ќе продолжат и во наредниот период, додека траат високите температури.