![](https://www.crvenkrst-kumanovo.org.mk/wp-content/uploads/2024/03/431599278_818978463596023_293134852557377891_n-1000x560.jpg)
март 19, 2024
Одбележување на 17 Март- Ден на основањето на Црвениот крст и Ден на крводарителството во Република Северна Македонија
Црвен крст на Република Северна Македонија – Општинска организација Куманово на ден 18.03.2024 година, по повод 79 години од денот на основањето на Црвен крст како и денот на крводарителството во РСМ организираше свечена манифестација за доделување јубилејни награди и признанија на најдобрите крводарители во 2023 година.
Манифестацијата се одржа во Центарот за култура Трајко Прокопиев. На настанот свое обраќање имаше Претседателот на Општинската организација Куманово Д-р Нухи Јусуфи, кој истакна дека ова е начин да им се одаде признание на сите лица кои несебично ја докажуваат својата хуманост. По ова следуваше доделување на благодарници и награди на повеќекратните крводарители за јубилејни крводарувања од 5, 10, 25, 50 и 75 пати. Признание за 75 пати дарувана крв доби Иван Петрушевски, а за 50 пати им беше врачено признание на Горан Апостоловски, Дејан Димитриевски, Драгољуб Добревски, Влатко Јакимовски, Горан Јовановски, Горан Петковски, Бобе Јовановски и Дејан Петковски.
Во знак на благодарност за унапредување и поддршка на крводарителството, Секретарот додели благодарници и за организаторите на крводарителски акции и тоа: СВР Куманово, ЈЗУ Институт за трансфузиона медицина на РСМ – Куманово, Армија на Република Северна Македонија – Команда за операции, Риболовното здружение МАК-ДАМ и на повеќе средни општински училишта. По завршување на манифестацијата за сите присутните имаше организирано и пригоден коктел.
![](https://scontent.fskp4-2.fna.fbcdn.net/v/t39.30808-6/431528131_818978436929359_2250523636141447224_n.jpg?stp=dst-jpg_p720x720&_nc_cat=100&ccb=1-7&_nc_sid=5f2048&_nc_ohc=1RzltwPKFQsAX90xp8Q&_nc_ht=scontent.fskp4-2.fna&oh=00_AfBfQaPYTocFR9p7XphK1h1VwzzKm0a-JUsfMJPYgJbXSQ&oe=65FE71CD)
![](https://scontent.fskp4-1.fna.fbcdn.net/v/t39.30808-6/431487738_818977810262755_7800683801200875659_n.jpg?stp=dst-jpg_p720x720&_nc_cat=107&ccb=1-7&_nc_sid=5f2048&_nc_ohc=L-sd5EDZ0K0AX-8s3vs&_nc_ht=scontent.fskp4-1.fna&oh=00_AfB98FrlDLJ95vvAAYe14B9_abfubKkop3PZeFvqIuGAEA&oe=65FDC540)
![](https://scontent.fskp4-1.fna.fbcdn.net/v/t39.30808-6/433869782_818977576929445_802232368760160498_n.jpg?stp=dst-jpg_p720x720&_nc_cat=102&ccb=1-7&_nc_sid=5f2048&_nc_ohc=cgMBUneQkS0AX85c1ha&_nc_ht=scontent.fskp4-1.fna&oh=00_AfAwm0Y0b7Or95JOcbZhmJ7uNmtXuekDiXq5hGcswCkvZw&oe=65FDC1A9)
![](https://scontent.fskp4-1.fna.fbcdn.net/v/t39.30808-6/433860846_818977686929434_1858094513116535280_n.jpg?stp=dst-jpg_p720x720&_nc_cat=105&ccb=1-7&_nc_sid=5f2048&_nc_ohc=kI96Nb39IBwAX-ndF09&_nc_ht=scontent.fskp4-1.fna&oh=00_AfCFYT2wBv2Sqqag4Cb0WbBGwO962cJYbLiDuB_zsf9iyw&oe=65FEC835)
![](https://scontent.fskp4-1.fna.fbcdn.net/v/t39.30808-6/431518474_818977590262777_8538586980226076307_n.jpg?stp=dst-jpg_p720x720&_nc_cat=103&ccb=1-7&_nc_sid=5f2048&_nc_ohc=5l2Sc7w2Oz4AX95q6KM&_nc_ht=scontent.fskp4-1.fna&oh=00_AfCrYAsv-0MUmxEbTTuru-w2Vlx5MleANs_cP-yQ7EhwSw&oe=65FE3E2C)