Одбележување на Недела на солидарност

Црвениот крст на Република Македонија – Општинска организација Куманово под мотото: “ Вашиот прилог – значајна помош”, од 18 до 22 април 2022 година ја одбележа традиционалната Недела на солидарност.

Во рамките на неделата, невладината организација Мерхамет донираше 20 прехрамбени пакети и 80 пара детски обувки наменети за социјално загрозени семејства од градот Куманово. Дополнителни 40 пакети со храна беа дистрибуирани од собирната акција која се спроведе со поставување на пунктови за донација во ,,Тинекс‘‘ и ,,Елида‘‘ маркети. И оваа година според предвидениот план, правните субјекти и граѓаните од Куманово беа навремено известени за времетраењето на собирната акција за помош во храна, облека, обувки, средства за хигиена и парични прилози, со цел навремено прибирање на донации