Симулациона вежба во ООУ „Антон Зако Чајупи“ с.Отља

Црвен крст на Република Северна Македонија– Општинска организација Куманово на ден 31.03.2023 година, спроведе симулациона вежба „Евакуација на ученици, наставен кадар, персонал и повредени во случај на земјотрес и пожар“ во ООУ „Антон Зако Чајупи“ во с. Отља. Оваа активност е во склоп на менторската развојна програма каде во текот на месец март се спроведе обука за наставниот кадар од училиштето за тоа како да се заштитат и безбедно евакуираат учениците при евентуална катастрофа.

За реализација на вежбата свој придонес дадоа волонтерите од Тимот за одговор при катастрофи со два тима од кој едниот по прва помош, а вториот за пребарување, спасување и евакуација на повредени лица како и вработените од Здравствен дом – Липково.

Целта на оваа вежба е проверка на процедурите за евакуација, обновување на знаење кај наставниот кадар и персоналот како и обука на нови ученици.