УСПЕШНО РЕАЛИЗИРАНА КРВОДАРИТЕЛСКА АКЦИЈА

На 14.08.2026 година, во просториите на Општина Старо Нагоричане, успешно беше реализирана крводарителска акција.

Акцијата се одржа во периодот од 09:00 до 13:00 часот, при што на повикот за хуманост и солидарност се одзваа голем број граѓани.

Со својата хуманост и несебичност, крв даруваа вкупно 29 крводарители. Секој даруван крв значи надеж и можност за спасување на човечки живот.

Акцијата помина во пријатна атмосфера, а успешната реализација е резултат на заедничкиот ангажман на организаторите, волонтерите и хуманите граѓани.

Голема благодарност до сите крводарители кои ја покажаа својата хуманост и помогнаа во обезбедувањето на драгоцената течност која живот значи.