Светскиот ден на туберкулоза

Црвен крст на Република Северна Македонија – Општинска организација Куманово, по повод 24 март – Светскиот ден на туберкулоза, под мотото „ДА! Можеме да ставиме крај на ТБ“, реализираше едукативна активност на градскиот плоштад.

Во рамки на активноста, волонтерите од Клубот на млади поделија вкупно 90 едукативни флаери, со цел информирање на граѓаните за туберкулозата, начинот на нејзин пренос, симптомите, превенцијата и значењето на навременото откривање и лекување.

Со оваа активност се придонесе кон подигање на свеста кај населението и поттикнување на одговорно однесување во однос на зачувување на сопственото и јавното здравје.