Одбележување на Неделата на борба против срцевосадови заболувања 

Црвен крст на РСМ – Oпштинска организација Куманово ја одбележа неделата на борба против срцевосадови заболувања која трае од 21- 28 февруари 2024 година, под мотото: “Здрави животни навики во борба против срцевосадови заболувања”. 

Во склоп на неделата Црвен крст на РСМ – општинска организација Куманово организираше 5 едукативни предавања од кои 2 за наставници и 3 со членови на Општинската орагнизација Куманово на возраст од 35 – 55 години. На истите им беше извршено мерење на крвен притисок. Предавањата ги одржа Д-р Елена Николиќ  и едукатор Фарије Арифи, а присутни беа вкупно 128 учесници. 

Целта на овие активности беше да се подигне свеста за сериозноста на болестите на кардио – васкуларниот систем, како и едукација околу наједноставните начини на превенција кои треба да ги усвоиме како навики во секојдневното живеење, и тоа како нездравата исхрана, физичката неактивност, употребата на алкохол и тутун како и стресот се едни од најважните фактори за ризик од срцеви заболувања и мозочен удар.